काठमाडौं । नेपाली कांग्रेसका विशेष महाधिवेशन पक्षधर नेताहरुले प्रधानमन्त्री सुशीला कार्कीसँग भेट गरेका छन् । उनले मंगलबार कांग्रेसको विशेष महाधिवेशन पक्षधर समूहको नेतृत्व गरिरहेका नेताहरूसँग भेटवार्ता गरेकी हुन् ।

भेटमा फागुन २१ गतेका लागि तोकिएको प्रतिनिधिसभा निर्वाचनका विषयमा छलफल भएको नेता गुरुराज घिमिरेले जानकारी दिए । त्यसक्रममा प्रधानमन्त्री कार्कीले सरकार निर्वाचनको तयारीमा लागेको सहयोग गर्न राजनीतिक दलहरुलाई आग्रह गरेको घिमिरेले बताए ।